Ayon sa datos ng Social Weather Station o SWS survey noong 2019, halos 13.1 porsyento na Pilipino mula sa 54% na sumagot sa kanilang pag-aaral ay kinokonsidera ang kanilang sarili bilang mahirap. Isang malungkot na katotohanan kaya mahirap makaalpas sa kahirapan ang mga Pilipino dahil sa poor-quality jobs, kung saan ang sahod na natatanggap ng mga manggagawang Pinoy ay hindi kasing competitive ng sahod na natatanggap ng ibang empleyado sa manufacturing industry. Sa iilan na datos na ating nabanggit, nakakapanghina ng loob para sa isang tipikal na indibidwal na nangangarap na yumaman ang ideya na balang-araw ay magkakaroon siya ng sariling bahay at lupa at makakabili ng meryenda na hindi manghihinayang dahil bibili pa ulit ng ulam para sa hapunan.

Lahat tayo ay gustong makatakas sa kahirapan kaya nga maraming tao rin ang hindi maiiwasan na hindi kumapit sa patalim o di kaya ay maloko ng mga scammer na bubulagin ka sa mga wait easy-paying online jobs.Ano nga ba ang solusyon?

Mga paraan para makawala sa kahirapan:

Turuan ang iyong sarili- para makawala sa kahirapan, kailangan mo munang pundaran ng kaalaman ang iyong sarili dahil ito ang magiging sandata mo para makagawa ng mga tamang diskarte.

Maging resourceful- dahil kailangan mong turuan ang iyong sarili, posible na mahirapan ka rin dito dahil may mga bayad ang mga workshops and seminars. Kaya naman mabuti na maging wais sa pagkalap ng mga impormasyon sa iyong komunidad, sa katunayan may mga libreng seminar sa paligid mo na pwede mong puntahan para palawakin ang iyong unawa.

Iwasan ang masamang bisyo - ito ay nakakasagabal sa pag unlad ng isang tao. Bukod sa nakadagdag ito sa gastusin ay hindi ito maganda para sa ating kalusugan. Walang magandang dulot ang masamang bisyo sa ating buhay bagkus ito ay nakakadagdag pasakit sa ating buhay.